Imbes mag-bonding daw sila, BF, sa iba nag-i-enjoy… Liza, na-bad trip ka Enrique habang nasa Hawaii

Vinia Vivar / Frankly Speak

Tulad ng ibang couples, aminado sina Liza Soberano at Enrique Gil na nag-aaway din sila. Hindi naman normal kung hindi sila nagkakaroon ng tampuhan or misunderstanding, pero mabababaw lang daw ang kanilang mga away.

“Like kunwari, nu’ng nasa Hawaii kami, laro siya nang laro ng Call of Duty, sabi ko, ‘Oy, mag-bonding naman tayo, nag-Hawaii pa tayo.’ Pero nu’ng time kasi na ‘yun, may sakit siya, hindi ko naman naintindihan ‘yun,” kuwento ni Liza.

Sinegundahan ito ni Quen at bad trip daw siya dahil nagkasakit siya.

“I wasn’t as energetic kasi nga may sakit ako the whole holiday trip. Medyo bad trip nga, pero okay lang naman, we still got to swim around and we still had fun,” sabi ni Quen.

Sagot ni Liza, “Yeah, he participated naman but of course, hindi lang ako sanay kasi usually, siya ‘yung unang ‘O, tara, swimming tayo.’ Eh, nu’ng time na ‘yun, ‘Tara COD (Call of Duty) tayo.’”

Pero ang maganda sa LizQuen, ‘pag nag-aaway daw sila ay hindi tumatagal nang isang araw at inaayos agad nila. When asked kung ano ang secret ng kanilang relasyon at nagtagal ito, ani Quen ay hindi rin niya alam.

“I don’t know, until now, I’m still thinking, ano nga ba? What made it work? I don’t think you can ever say kung ano talaga ang definite. I think, may something in God’s grace and the universe…” sabi ni Quen. Singit ni Liza, “Mutual respect.”

Sagot ni Quen, “Yeah, mutual respect is part of it.”

Anyway, dahil sa breakup nina Nadine Lustre at James Reid, napupuri ngayon ang mga bida ng Make It With You dahil napapanatili nilang matatag ang kanilang relasyon along with other “team real” love teams tulad ng KathNiel at KimXi.

Payo nila sa LizQuen sa kasagsagan ng issue ng JaDine breakup ay “stay strong.”