After ma-engaged, ibinulgar ni Melai… Alex, atat na atat nang magka-baby

Ronalyn Seminiano / Showbiz Trend

Photo: @cathygonzaga

Puring-puri ni Melai Cantiveros ang Kapamilya actress na si Alex Gonzaga dahil sa ginawa nitong pagtulong sa mga nasalanta ng pag-aalburoto ng Bulkang Taal sa Batangas imbes na ipagdiwang ang kanyang kaarawan sa magarbong party.

Sey ni Melai, “Sob­ra akong touched sa kanya kasi nu’ng na-greet namin siya, nan­du’n siya. Tumu­long siya sa mga Kapamilya na­ting nasalanta sa Taal. Very selfless ‘yung gi­nawa niya, kasi ru’n siya mismo nag-birthday sa Batangas.”

Isa rin si Melai sa pi­nakanatuwa nang inanunsiyo ng maga­ling na actress-vlogger na engaged na sila ng BF niyang si Mikee Mora­da at sey pa ng Magan­­dang Buhay host, wa­lang pinagsa­bi­han si Alex tungkol du’n.

Sey ni Melai, “Wa­la kaming hint (na engaged na sina Alex at Mikee) pero pa­rang may mga nararam­da­man na kami kasi iba na ‘yung mga posts niya sa thread namin. Pero alam namin na ang saya-saya niya.”

Ibinulgar din ni Melai na nagtata­nung-tanong na si Alex tungkol sa pag­bubuntis at panganganak.

Aniya, “Ang itinatanong niya sa akin siyempre, ‘yung panganganak talaga, kung paano ‘yung mag-delivery, ‘yun talaga ‘yung masakit. Pero kasi mas ma­na­naig ‘yung excitement mo na makikita mo ang anak mo kaysa doon sa sakit.”

Well, kung may plano na sina Alex at Mikee na magka-baby, siguradong ikatu­tuwa ‘yun nang lubos ng mga fans nila at baka mas excited pa silang makita ang baby version ng mga idolo nila kesa sa sweet couple!