Nagkakalat daw ng fake news sa hiwalayan nila ni James… Nadine, pahiya kay Ricky Lo, buking na denia

Julie Bonifacio / Winner!

Pinasalamatan ng batikang writer-Entertainment editor na si Ricky Lo ang ex-lovers na ngayon na sina James Reid at Nadine Lustre sa paglabas nila ng official statement para ipaalam sa pub­liko ang kanilang hiwalayan.

“I should thank James Reid and Nadine Lustre for con­firming in a joint statement that they have broken up, exactly two weeks after I broke the story in my Star column- that is, after Nadine denied it with impunity,” simula ng state­ment ni Kuya Ricky.

Maraming gustong kumuha ng side ni Kuya Ricky pagka­tapos pasinungalingan ni Na­dine ang nasulat niya sa Philippine Star na hiwalay na ang aktres at si James.

“I kept my cool and just said, ‘Just wait and see’ even when Nadine (while James remained silent) lambasted me for being a liar (purveyor of fake news) and this emboldening her fans to relentlessly doing the sane on social media. As The Star blurb says, ‘The truth shall prevail.’”

Ipinagtanggol din ni Kuya Ricky ang sarili bilang journalist. Pawang katotohanan lang daw ang pinaninindigan niya.

Isinusulat lang daw niya ang isang delicate na istor­ya kapag galing sa kanyang reliable sources and after double checking.

Sa huli, ibinalik ni Kuya Ricky ang sinabi sa kanya ni Na­dine sa kanyang Instagram account na “Ano na? 2020 na.”

Eto ang mensahe naman ni Kuya Ricky kay Nadine, “O Nadine, ano na? 2020 na!!!”

Ayon naman sa aming source, tuloy ang paghahakot ni Nadine ng mga gamit niya sa lovenest nila dati ni James sa Kyusi.

Mukhang si Nadine na lang ang titira sa nabalitang P30 M worth na condo unit daw nila ni James sa Makati City.

Baka kabilang sa hatian ng pro­perties ang isa sa mga pinag-usapan nina Nadine and James sa last trips nila together this month.

Isa sa mga rason na ibina­ha­gi ng JaDine sa kanilang hi­wa­layan ay dahil gusto nilang mag-focus not only sa career ni­la but also for their personal growth since mga bata pa na­man daw sila.

Malinaw ding nakalagay na puwede pa ring magkatrabaho ang JaDine sa music kung saan ka­pipirma lang ni Nadine sa Careless Music Talent Management ni James.

Puwede na rin silang i-pair se­parately gaya ng bagong pro­yekto ni James with a member of Momoland sa ABS-CBN.

At malay natin, baka ipareha rin si James kay Kathryn Bernardo in the future. Kung nagawa ‘yan ng Star Cinema kina Kathryn at Alden Richards, kering-keri rin nila kay James given the right material. Tutal naman, marami ang nagsasabi na may hawig si Nadine kay Queen Kathryn.

Puwede!