Libreng edukasyon sa pagsasaka sa Palawan daan-daan ang graduates

Bulgarific

Hello, Bulgarians! Ang Yamang Bukid Farm, isa sa top farm tourism destinations sa Palawan ay nagbabahagi ng farming education sa kanilang komunidad nang libre. Kaya naman, daan-daan ang nakatapos noong Disyembre, 2019 ng agriculture-related short courses.

Sa pakikipagtulungan nito sa Technical Education and Skills Development Authority (TESDA), naging venue sa pagbibigay ng edukasyon sa mga agriculture-related short courses ang Barangay Bacungan sa Puerto Princesa nang halos isang buwan.

Kasama sa National Certificate Level II (NC-II) accredited programs ang organic fertilizer making (3 batches), hog raising (2 batches), field budding and grafting (1 batch), propagation activities leading to horticulture (1 batch), animal production for poultry-chicken (2 batches).

Ayon kay Bro. George Maria, Yamang Bukid Farm Palawan vice-president for community relations, ang lahat ng scholars ay inilagay sa benepisaryo na nakabase sa grassroots sa ilalim ng office of Palawan na si 3rd District Rep. Gil “Kabarangay” Acosta, Jr..

Nakatanggap din ng TESDA certificate ang lahat ng mga nagsipagtapos sa production tulad ng agriculture crops production (1 batch), plants crops leading to agricultural crops production (1 batch) at land preparation for agricultural crops production (3 batches).

Itinataguyod ng gobyerno sa pamamagitan ng TESDA ang pagpapalaganap ng edukasyon sa farming sa rural communities para mas mabigyang-pansin ang sektor ng agrikultura sa ating bansa.

Ang 20-hectare farm destination na naging kilala sa sunflower garden ay isa sa mga bagong venue para matutunan ang organic way sa pagsasaka matapos ma-accredit ng Agriculture Training Institute (ATI) ng Department of Agriculture (DA) kasama ang farm school ng TESDA.

♥♥♥

For event invitations, please, email bulgarific@ gmail.com or PM us on our Facebook page.

Got to go! It’s so Bulgarific!

xoxo