'Di raw na-traffic, 2 oras na biyahe, naging 15 mins. na lang… Komedyanteng si Jo Koy, proud na

Ronalyn Seminiano / Showbiz Trend

Nakakalungkot na tila may pinapanigan ta­­laga minsan ang batas sa ating bansa. Nagtitiis ang kara­mihan sa atin na maipit nang halos tatlong oras sa kal­sada dahil sa matinding trapiko. Ang nakakalungkot pa, mara­ming nag-aagaw-buhay sa ambulansiya na hindi nadadala agad sa ospital nang dahil dito. Kaya naka­kalokang makakita ng mga pulis na gu­ma­gamit ng wang-wang para lang maihatid ang mga piling tao katulad na lang ng ko­med­yanteng si Jo Koy.

Nakita namin sa Twitter ang ipinost na video ni Jo Koy noong Jan. 17 kung saan in-es­cort-an siya ng mga pulis para sa event niya.

Malinaw sa ipinost na video ni Jo Koy na gumamit ng wang-wang na akala mo’y siga ng kal­sada ang dalawang pulis na na­kasakay sa motor na nag-escort sa kanya habang ang ilan nating kababayan ay nagtitiis sa tra­piko. Ang isang pulis, page­wang-gewang pa ang pagpa­paandar ng motor para mabi­lis silang mabigyan ng daan.

Caption pa ni Jo Koy sa vi­deo, “We’re in Cebu now and we have police escort getting through.. This is crazy! Right in the middle!”

Sabi pa ni Jo Koy habang na­katutok ang camera sa dala­wang pulis, “Cebu Police escort cuts a 2 hour drive to my hotel into 15 minutes. I love the Philippines!”

Umani ng napakaraming pambabatikos mula sa mga ne­tizens ang nasabing video. Ito marahil ang dahilan kaya binura ng komedyante ang kanyang video.

Mapapailing ka na lang talaga sa mga sigang pulis. Ga­nito ba ang protocol sa kanila? Sana, sila na nasa posisyon ang mangunang su­munod sa batas! Ano pa ang aasahan sa mga nasa­sakupan nila kung sila mis­mo ay HINDI MARUNONG SU­MU­NOD SA BA­TAS?