Matapos daw ayawan at masaktan nu'ng 2019… Kris, ipinagsigawang humble na siya ngayon

Nitz Miralles / Bida

Photo: @krisaquino

Matutukso nito sina former Quezon City Mayor Herbert Bautista at Kris Aquino dahil pareho na silang under Cornerstone Entertainment Inc., at si Erickson Raymundo ang kanilang manager.

Naunang pumirma ng kontrata sa Cornerstone si Kris at kamakailan lang, si Herbert naman ang pumirma. Nabasa namin ang pagwe-welcome kay Herbert sa Instagram (IG) ng Cornerstone.

Ang Cornerstone na yata ang nakipag-usap para sa ABS-CBN series na Make It With You kung saan gaganap si Herbert na ama ni Liza Soberano. Dahil may manager na siya, open na rin si Herbert for more projects, pati pelikula.

Anyway, speaking of Kris, hindi sila natuloy umuwi ng kanyang yaya na si Bincai Luntayao dahil pareho silang inubo at sinipon. Naunang magkaroon ng ubo’t sipon si Kris at nang gumaling, si Bincai naman ang nagkasakit. Ang problema pa kay Kris, hindi basta-basta makainom ng gamot kahit pain reliever dahil sa allergy.

Sabi ni Kris sa latest post niya sa Instagram: “In 2019, I needed to experience rejection and pain to become both humble and strong.

“In 2020, I’m ready to embrace happiness because I now know the true power of a heart full of patience, trust, and gratitude.”