Full time national team isasabak sa 2023 FIBA

Isang “full-time national team” na isasabak ng bansa sa 2023 FIBA World Cup ang nakatakdang buuin ng Samahang Basketbol ng Pilipinas.

Nakita ng SBP ang problema sa pagkakaroon ng isang koponang daglian ang pagkakabuo at may maikli lamang ang panahon ng preparasyon.

“Hindi na puwede ‘yung ganoon. We saw the weakness of that formula already,” wika ni SBP president Al Panlilio. “That’s why we are saying that we have to build a dedicated team for 2023.

The SBP is now given the opportunity to increase the pool every year, draft players, add players and the SBP will decide with the team moving forward,” dagdag nito.

“It’s about continuity, of players playing together, competing, exposing themselves in international competition, and hoping they become better for the national team. The objective of the national team is we can show development, that we’ll be better than the last time. Hopefully with the continued support of the PBA, we can develop the team that can prepare us for 2023.”

Batid ni Panlilio na hindi ito agarang mangyayari kung kaya hindi pa rin maiiwasan na humingi ng tulong ang Gilas Pilipinas sa PBA.

Sa ngayon, hangad muna nila ang magkaroon ng isang buong core na handa at maaaring isabak sa mga international competitions na iri-reinforce na lamang ng ilang PBA players kung kinakailangan.

May pitong players sa kasalukuyan ang Gilas pool na kinabibilangan nina Gilas draftees Isaac Go, Matt at Mike Nieto, Rey Suerte at Allyn Bulanadi at mga bagong dagdag na sina Thirdy Ravena at Jaydee Tungcab.