Battle for Best Player sa PBA Gov Cup, abangan

Kitang-kita na nga ba kung sino ang magkakamit ng individual awards sa PBA Governor’s Cup? Pero parang may sorpresa pa dahil ang Best Player of the Conference derby ay hindi lamang players mula sa finalists na Barangay Ginebra at Meralco Bolts ang pagpipilian para sa Top Five.

Maglalaban-laban sina San Miguel June Mar Fajardo, Columbian Dyip super rookie CJ Perez, NorthPort Christian Standhardinger, NLEX Kiefer Ravena at TNT KaTropa Jayson Castro para sa BPC rumble ayon sa lumabas na ulat ni SB ng PBA.ph.

Samantala, sina two-time Governor’s Cup Best import winner Allen Durham at one-time Commissioner’s Cup top reinforcement Justin Brownlee ay muling mga pangunahing magkaribal para sa coveted awards.

May tsansa rin para sa Best Import honors sina KJ MCDaniels ng TNT at Michael Qualls ng NorthPort. Malakas na pinagpipilian din sina Durham at Brownlee dahil sa kanilang topnotch performances dahil binitbit nila ang team sa finals duel ng season-ending tourney ng PBA Gov Cup.

Contenders din sa BPC awards sina Fajardo, Perez, Standhardinger, Ravena at Castro. Si Fajardo na may average na (38.8 stats points) ay nagwagi sa stats race laban kay Perez (37.2) ang top draft ng season selection na nagpakitang-gilas sa buong season game, kabilang na sa Governor’s Cup pagdating sa scoring (23.2) at steals (2.5).

Sina Standhardinger (35.1) at Castro (31.6 SPs) ay dalawang kandidato na kayang bitbitin ang teams tungo sa semis habang si Ravena (34.5 SP) ay nakabawi mula sa mahabang suspensiyon na ipinataw ng FIBA. Ang tatlong Ginebra stalwarts na sina Stanley Pringle (30.8), Japeth Aguilar (29.9) at LA Tenorio (28.0) ay gahibla lang na lumabas sa Magic Five kasama sina RR Pogoy (30.4) ng TNT at Chris Newsome (29.8) ng Meralco.

Kapatas ni Tenorio sa 10th spot sina Ian Sangalang ng Magnolia (28.0) at si rookie Bobby Ray Parks (27.5) kasunod ni Raymond Almazan (27.4), Jeth Troy Rosario (27.0 at Matthew Wright (26.8) para sa Top 15.

Nakatipon si Fajardo ng averages na 19.3 points, 14.0 rebounds, 1.8 assists at 1.2 blocks para makuntento sa ikalawang BPC award ngayong season matapos ang unang BPC plum sa All-Filipino tourney. Si Castro ang Commissioner’s Cup best player, ay may itinalang 14.9, 5.9 dish-offs, 4.5 boards at 1.7 steals.