Kaya tinanggal agad sa mga sinehan…. Juday, tanggap na nilangaw ang MMFF movie

Melba Llanera / Insider

"Given na ‘yun, ‘di na siya bago, ‘di naman ngayon lang nangyari. Ganu’n talaga ang kalakaran sa industriya lalo na sa mga may-ari ng mga sinehan. Of course, du’n talaga sila papanig, basically kung saan sila mas kikita. It’s totally understandable, ganu’n talaga. Sanay na ako diyan.

“Iba kasi ang kalakaran kapag negos­yante ka, so, we have to understand that. We can only say our opinion but we cannot impose kung ano ang dapat na mang­yari. Kasi tayo, nagtatrabaho tayo pare-pa­reho. Intindihin na lang natin kung ano ta­laga ang ginagawa nila para sa trabaho nila, para sa negosyo nila,” ang ma­ka­bu­luhan at nakaka­u­nawang pahayag ni Judy Ann Santos nang hingan namin ng reaksiyon sa pag­kaka-pull-out sa sinehan ng pinagbi­bidahan niyang pelikulang Mindanao.

Ngayong humakot ng awards ang Mindanao mula sa Best Actress, Best Actor, Best Director, Best Picture at iba pang special awards, inaasahan na ma­bu­buhay ang interes ng mga mano­nood at susu­por­tahan ang nasabing pelikula.

Hindi maitago ni Juday ang sobra-sobrang kali­gaya­han kung saan emos­yonal ito at maluha-luha sa kan­yang acceptance speech at kahit sa panayam namin sa kanya, ayon sa Kapa­milya actress ay naging na­paka­mabiyaya ng taong 2019 para sa kanya.

Bukod sa dalawang Best Actress trophies na natanggap ni Juday para sa Mindanao (una, sa Cairo International Film Festival at dito nga sa MMFF), consistent din ang high ratings ng Starla kung saan sa kabila ng mainit na pagtanggap dito ng mga mano­no­od ay malapit na rin itong magpaalam sa ere.

Proud na proud naman si Ryan Agon­­cillo sa mga achievements ng asawa at sim­ple ang naging sagot sa amin ng male TV host nang tanungin namin kung ano ba ang sikreto para sa isang masaya at kuntentong buhay.

“Happy wife, happy life,” ito ang sagot na ibinahagi sa amin ni Ryan na tiyak na sa­sang-ayunan ng mga mister na masaya sa buhay-pamilya nila.