Lola, tepok sa motorsiklo

Masbate — Dedbol ang 74-anyos na lola nang aksidenteng mabangga ng motorsiklo kamakalawa sa Bgy. Gaid, Dimasalang. Kinilala ng pulisya ang biktima na si Nerluilla Lignes, nakatira sa nabanggit na barangay.

Ayon sa ulat ng pulisya, nawalan umano ng kontrol sa pagmamaneho ng motorsiklo si Rolando Arroyo kaya aksi­dente nitong nabangga ang biktimang tumatawid sa kal­sada. Sa lakas ng pagkakabangga ay nabagok sa sementadong kalsada ang ulo ng biktima na agad nitong ikinamatay.

Samantala, kusa namang sumuko sa pulisya si Arroyo na nahaharap sa kasong reckless imprudence resulting in homicide.