K-Pop Star, type na type… Alden, sa Korea magpa-Pasko dahil kay Lisa ng Blackpink

Vinia Vivar / Frankly Speak

Sa South Korea naman ang desti­nasyon ni Alden Richards nga­yong Kapaskuhan kasama ang kanyang family. Ilang taon na ring tra­disyon ng Asia’s Multimedia Star na kapag sumasapit ang Holiday Season, ipina­pasyal niya at isina­sama sa bakasyon ang kanyang pamilya.

Matatandaang last year ay sa Japan sila pumunta kaya this year ay Korea-bound naman sila. Tinotoo ng aktor ang kanyang sinabi na babalik siya sa na­sabing bansa kasama ang pamilya.

Last August kasi ay nagpunta ng Korea si Alden nang tumanggap siya ng Asian Star Prize award sa Seoul International Drama Awards. Nabanggit nga noon ng Pambansang Bae na nagustuhan niya ang nasabing bansa at sobrang nag-enjoy siya rito. Plus sa Korea rin based si Lisa Manoban na miyembro ng South Korean girl group na Blackpink.

Hindi lang namin alam kung mag-e-effort ba si Alden na mahanap si Lisa ha­bang naroroon sa South Korea. Pero ang tiyak, isa na naman itong memorable holiday for him ka­sama ang kan­yang pamilya.

Bago mag-New Year ay balik-‘Pinas na si Alden dahil taun-taon ay kasa­ma siya sa New Year Count­down ce­leb­ration ng GMA-7 na talaga namang kahanga-hanga dahil ang ibang artista ay tuma­tanggi sa nasabing event since busy sila at siyempre, ka­sa­ma rin nila ang kanilang pa­milya sa Media Noche.

Pagdating ni Alden ay balik-taping na rin siya ng serye niyang The Gift, at sa year 2020, opening salvo naman ng bagong Sunday noontime show kung saan kasama rin siya.