Hatol na guilty para sa mga Ampatuan gayundin ang iba pa sa kaso ng Maguindanao massacre

SCOOP NEWS PHOTO: Metro Manila, Philippines — Sa branch 221 ng RTC sa QC naibigay ang hatol para sa mga akusado sa kaso ng Maguindanao massacre. Halos dekada rin ang itinagal bago naibaba ang hatol na guilty sa 5 miyembro ng Ampatuan at 38 iba pa habang 56 ang napawalang-sala naman. Sa hanay ng mga napawalang-sala ay apat sa mga Ampatuan na sina Datu Sajid Ampatuan at Datu Akmad “Tato” Ampatuan, na sinasabing dumalo sa isang pulong na nagpa-plano para sa pagpatay kay Esmael “Toto” Mangudadatu. Pahayag ng korte na hindi sapat ang ebidensiya na pagdalo nila sa nasabing pagpupulong upang sila ay idiin. Sinasabing ito na ang pinaka karumal-dumal na krimen na inu-ugnay sa pangangandidato at halalan. #BulgarScoop