Hindi makapag-ipon dahil sa katakawan, walang maibigay sa pamilya

Dear Roma, Ako si Miguel, 24, sumulat ako sa inyo dahil hindi ako makaipon. At kahit nagtatrabaho na ako ay hindi ako nakakapagbigay sa mga magulang ko kaya nahihiya na rin ako sa kanila na wala akong naiaabot. Hindi naman ako palainom, pero hindi ko mapigilan ang sarili ko na kumain. Ano ang gagawin ko? – Miguel

Miguel, Kung may pinagkakakitaan ka naman, ngunit ang problema mo lang ay ang pagiging magastos mo sa pagkain, subukan mong i-budget ang suweldo mo. Wala namang masama kung gagastos ka sa pagkain, pero dapat mong masigurado kung nagagastos mo nang tama ang perang natatanggap mo mula sa iyong trabaho. Hindi talaga madaling mag-budget, pero kailangan mo itong gawin, lalo na kung sa tingin mo ay kailangan mong mag-abot sa iyong mga magulang. Okie?