Embiid, bumida vs. Celtics

May 38 puntos ang kinamada ni Joel Embiid bilang kanyang season-high at 13 rebounds para bumida sa panalo ng Philadelphia 76ers sa 115-109 kontra Boston Celtics.

Nagpakawala ng 16 puntos sa fourth quarter si Embiid, at nagawa niyang maipasok ang lima sa anim na free throws sa huling 26 segundo at pigilan ang tangkang paghahabol ng Celtics. Maganda rin ang naging laro ni Tobias Harris sa itinarak na 23 points, 8th rebounds at seven assists para sa ikaapat na sunod na pagwawagi ng 76ers (19-7).

Nasayang naman ang pagsisikap ni Kemba Walker para sa Celtics (17-7) na mayroon lamang 29 points. Unang pagkatalo ito ng Boston ngayong season sa sariling homecourt. Sa Sabado, may laban ang Celtics sa Dallas sa Huwebes.

Samantala, sumailalim na kahapon si dating NBA commissioner David Stern sa emergency surgery dahil sa brain hemorrhage, ayon sa anunsiyo ng NBA. “NBA Commissioner Emeritus David Stern suffered a sudden brain hemorrhage earlier today for which he underwent emergency surgery. Our thoughts and prayers are with David and his family,” ayon sa news release ng liga.

Sa ulat ng ESPN, nag-collapsed ang 77-anyos na Stern sa isang New York restaurant at agad isinugod sa ospital. Nagsilbing commissioner si Stern sa NBA noong 1984 hanggang 2014.