Co-host ni Willie, sikat na... Hipon girl, may serye na sa siyete

Nitz Miralles / Bida

Malayu-layo na rin ang narating ni Herlene Budol o mas kilala bilang “Hipon Girl” at isa sa mga co-hosts ni Willie Re­villame sa Wowowin dahil pagkatapos magbida sa isang episode ng Magpa­kailanman, may teleserye na siya.

Kasama na si Herlene sa cast ng Afternoon Prime na Madrasta at gagam­panan niya ang karakter ni Sandy, BFF ni Ka­tharine (Thea Tolentino). Si Sandy ang ow­ner ng resort na pinag­bakasyunan ni Katharine. Ang pamilya ni Sandy ang ma­giging sounding board ni Katharine tungkol sa mga plano niya laban kay Audrey (Arra San Agustin).

Wala pang airing date kung kailan lalabas si Her­lene, pero tiyak na panono­orin siya ng kanyang mga fans, gaya ng pag­suporta nila sa Magpaka­ilan­man episode ni Herlene.

Sa TF niya sa Madrasta, hindi lang pang-first class na bigas ang mabibili ni Herlene at sigurado na ring may ma­sarap silang ulam at handa sa Pasko at Bagong Taon.