Ang ‘di sumunod, magbabayad… Coco, maraming ipinagbabawal sa shooting

Erlinda Rapadas / Teka Nga

Mabait kung sa mabait off-cam ang bida sa MMFF 2019 movie na 3Pol Trobol: Huli Ka Balbon na si Coco Martin. Pero, bilang direktor at producer ng movie, sobra raw niyang istrikto sa set. Bawal ang ma-late sa shooting, bawal ang gadgets, dapat memorized ang linya, dapat may suot na medyas ang mga lalaking kasama sa movie at dapat malinis at maayos ang damit at naka­paligo bago mag-report sa shooting. May multa raw ang sinumang walang suot na medyas, ganoon din ang mga pasaway sa gadgets.

Pabor naman ang mga co-star at production staff sa rule ni Coco na bawal ang ma-late sa shooting. Dapat, walang ina­aksayang panahon at na­ka­kasunod naman dito sina Jen­nylyn Mercado, Ai Ai delas Alas at Sam Milby.

Ipinangangako ni Coco na masusulit ang ibabayad ng mga moviegoers na manonood ng 3Pol Trobol: Huli Ka Balbon.

Maraming sorpresa at pa­sabog ang kanilang pelikula. Magbibihis-babae dito si Coco at tiyak, matutuwa ang lahat sa kanyang mga eksena.