After kumalat na binasted si Jameson… Hirit ni Elisse: Gusto kong BF, 'yung magka-level kami ng
Nilinaw ni Elisse Joson ang balitang binasted niya ang kapwa Star Magic artist na si Hashtag Jameson Blake.
Si Jameson ang second Hashtag member na na-link kay Elisse pagkatapos ng breakup nila ni McCoy de Leon.
“Wala naman po kasing nangyaring ligawan para mabasted siya,” ngiti ni Elisse.
“But in the future kung manligaw po siya? Uhm, tingnan po natin kung dumating ‘yung time. Siguro for me talaga, timing is really important.”
Nakausap namin si Elisse sa ‘meet and greet’ mall tour ng ini-endorse niyang beauty products, ang Cathy Doll Ready2 White sa Mall of Asia kamakailan.
Pero, open naman daw siya to accept suitors.
“No to relationship, but, siguro open naman ako to meet people and to know people, date, ganyan,” ani Elisse.
As of the moment, she’s not dating anyone according to her. At kahit si Jameson din daw ay open to date with other girls.
“Ay! Yeah, kasi hindi naman po kami, wala naman kaming pinag-usapan before na we’re together or we’re exclusively dating. Hindi naman din siya umabot sa point na… hindi umabot sa point na ganu’n. We were really close, we hang-out, pero hindi po umabot to the point na may ‘I love you’ or anything. So, wala pa naman po sa status na ‘yun.”
Nagha-hang-out lang daw sila ni Jameson sometimes kasama ang mga kaibigan nila. Pero nagka-time rin na naisama niya si Jameson sa out-of-town ng pamilya niya. Naging close naman sila, pero hanggang doon lang.
“Pero okey kami ni Jameson. We see each other. Minsan, kahit out of nowhere, magtatanong ‘yan, ‘Kumusta ka na?’ Sabi ko, ‘Okey naman,’” kuwento ni Elisse.
Tinanong namin si Elisse kung may chance ba na magkasama sila ni Jameson sa Pasko.
“Magkahiwalay po,” sambit niya.
“Ako po kasi, mag-a-out of the country ako with my family. So, baka hindi po mangyari ‘yung together’ kami. Pero…” bitin na sagot niya.
Sa U.S. magse-celebrate ng New Year ang pamilya ni Elisse. One week lang daw sila roon dahil kailangan niyang bumalik para mag-taping ng teleseryeng Sandugo. Balik-‘Pinas siya sa first week of January.
Natawa lang si Elisse when we told her na tiyak na mami-miss siya ni Jameson. Although, before Christmas, magiging madalas ang pagkikita at pagsasama nila dahil sa promo ng movie nila na pinagbibidahan nina Vice Ganda at Anne Curtis, ang The Mall, The Merrier na ipapalabas sa December 25.
“Ang character ko po, si Mora. Ako po ‘yung nanay ni Vice Ganda sa past life. Kasi ano siya, eh, may mga flashback, nu’ng mga bata pa sila. Pero at the same time, meron din po kaming with Vice Ganda nu’ng tumanda. Basta, part of the story siya. Hindi ko masyadong ma-spoil.”
Si Jameson ang partner niya sa movie bilang tatay ni Vice. Masaya naman daw katrabaho si Jameson sa set ng The Mall, The Merrier.
“We’re really good friends. Medyo matagal na rin kaming close at komportable kami sa isa’t isa. So, sa set po, we’re okay.”
Hindi naman sila parang na-awkward sa set after mabalitang binasted niya si Jameson?
“Hindi po. Nu’ng nagsu-shooting po kasi kami, we’re okay. We still talk. Nagkukumustahan pa rin kami. So, okey naman po.”
Sa kabila ng breakup nila ng reel-and-real partner na si McCoy, inuulan pa rin ng mga proyekto si Elisse. May movie, may teleserye at may product endorsement siyang Cathy Doll Ready2 White.
“For me, it’s really different. Siyempre, ‘yung sa love team, iba ‘yung ingay kapag meron kang partner.
But, I’m still glad na ngayon na individually, kahit hindi sobrang ingay ‘yung mga nangyayari, I’m still getting projects left and right. So, para sa akin, thankful na po ako sa ganoon. And, I really cherish everything I get po.”
Meron pa kayang gustong matanggap na gift si Elisse this Christmas?
“I can’t ask anything na material, eh. Parang feeling ko po, mas gusto kong matanggap this year ‘yung from the heart, kung meron man. Eh, kaso, wala namang ano, eh. Wala naman akong idine-date or anything. Pero siguro, ‘yung kahit kunwari, material thing pero ‘yung pinag-isipan talaga na gusto ko, na bagay sa akin. ‘Yung kahit maliit na bagay.”
What about her wish for 2020?
“Ang wish ko lang po for 2020, magtuluy-tuloy pa rin and I’m really, really excited na mag-grow pa. Kasi, ngayon ko lang din po napi-feel na I still have a lot to learn. Pero unti-unti, parang nakikita ko naman kahit papaano na nag-i-improve ako. So, I still want to do more of that.”
Wish naman namin kay Elisse na magkaroon ng boyfriend next year. Pero teka muna, ano ba ang qualities ng isang boyfriend na gusto niya?
“Siguro, matiyaga, maalaga, gusto ko binebeybi ako, eh. Hahaha! Tapos, gusto ko rin po ‘yung may intellectual compatibility.”
‘Yun na.
Comments