Dinudumog kahit saan magpunta… Dimples, ka-level na sa kasikatan si Coco

Erlinda Rapadas / Teka Nga

Grabe ang pag-level-up ng career ni Dimples Romana dahil sa markado niyang role sa Ka­denang Ginto. Bukod sa nag-trending siya at kumalat ang mga memes niya na nakasuot ng red dress, bitbit ang kanyang maleta, napapansin na rin siya at kinu­ku­hang endorser ng mga produkto.

Kilalang-kilala na siya ng lahat, bata, ma­tan­­da at kahit saan siya magpunta ay pinag­kakaguluhan at marami ang nagpapa-selfie.

Para rin siyang si Coco Martin na tumatak nang husto dahil sa Ang Pro­binsyano.

Naalala tuloy namin ang Ka­pamilya actor na si Richard Yap na nang sumikat sa seryeng pinag­samahan nila noon ni Jodi Sta. Maria ay parang minatamis na di­nudumog at pinag­kakaguluhan saan man magpunta.

Dumami rin ang offers na product endorsements ni Dim­ples. Naging tatak niya ang red dress kaya ganu’n din ang suot nang dumalo siya sa Ricky Lee’s Script Work­shoppers’ Christmas party.

Marami raw siyang red dresses na ipinagawa dahil iyon ang tatak niya.