Sa dami ng sakit… Kris, tuloy ang gamutan para 'di na maoperahan

Nitz Miralles / Bida

Photo: @krisaquino

Nagdarasal ang mga supporters ni Kris Aquino na makatulong ang hormone the­rapy para malunasan ang kanyang ade­no­myosis para hindi na siya sumailalim sa endoscopic hysterectomy.

Si Dr. Eileen Manalo ang nagrekomenda sa kanya na mag-undergo ng hormone therapy.

Sabi ni Kris, “I’m very blessed because @ging.md helped me find a doctor who treats high risk patients like me w/ autoimmune issues.”

Nag-Google kami para malaman ang ibig sabihin ng “adenomyosis” at endoscopic hysterectomy.

Ang adenomyosis ay “condition in which the inner lining of uterus (the endometrium) breaks through the muscle wall of the uterus. Adenomyosis can cause menstrual cramps, lower abdominal pressure, and bloating before menstrual periods and can result in heavy periods.”

Nabanggit ni Kris na marami siyang sakit na nararamdaman ‘pag may menstruation siya, kaya sana nga, mag-work ang hormone therapy para hindi na siya maoperahan.

Kasisimula pa lang ni Kris ng treatment kaya sa mga nagtatanong kung effective, ilang months pa bago niya masagot.