PHL boxers, finalist na!

Umarangkada na para sa championship match ang mga Pinoy at Pinay boxers sa kani-kanilang mga laban sa semis round sa upang lumaban ang mga ito sa championship match, ngayon Lunes sa Philippine International Convention Center Forum sa Pasay City.Matinding Irish Magno ang humarap sa ibabaw ng ring ng dominahin nito si Jutamas Jitpong ng Thailand, 4-1 upang umabante sa championship round ng women’s under-51kgs flyweight division. Makakatapat ng 28-anyos na kampeon ng 2019 Dual Match sa Winnipeg, Canada sa final round si Nguyen Thi Tam ng Vietnam matapos ipatigil ng referee ang laban kay Nao Srey Pov ng Cambodia. Nakasisiguro na ng bronze medals sina Jitpong at Pov sa pagkakapasok nito sa semifinals.

Dumeretso na rin patungong championship match si 2018 Jakarta-Palembang Asian Games silver medalist Rogen Ladon matapos gulpihin si Hamid Mohamed Hanurdeen ng Singapore sa iskor na 5-0 sa semifinals ng men’s under-52kgs flyweight category. Lalabanan ng 2015 Singapore games silver medal winner si Ammarit Yaodam ng Thailand.

Makikipagbasagan na rin ng mukha para sa men’s under 60kgs lightweight championship match si 2016 Rio Olympics campaigner Charly Suarez laban kay Khunatip Pidnuch ng Thailand. Nauna ng nakapasok sa final matches sina World Champions Nesthy Petecio at Josie Gabuco at World’s silver medalist Eumir Marcial, gayundin sina Carlo Paalam at Marjon Piañar habang sumasabak pa sina Riza Suit sa women’s under-60kgs lightweight category at James Palicte sa men’s under 64kgs light-welterweight category. Lalaban din sa finals si Paalam sa light-flyweight division.