Mag-BFF, nagkaiyakan daw… Miles, super-hapi na bati na sila ni Kathryn

Melba Llanera / Insider

Sa premiere night ng Write About Love, ‘di maitago ni Miles Ocam­po ang saya sa renewed friendship nila ni Kathryn Bernardo.

Aminado si Miles na nag­karoon sila ng tampuhan ni Kath at naayos ito nang mag­karoon ng reunion ang mga taga-Goin’ Bulilit. Ayaw mang idetalye ni Miles kung ano ang naging se­nar­yo ng pagbabati nila ni Kath­ryn, puno naman daw ito ng iya­kan at saya.

Ngayon ay bukas na muli ang komu­nikasyon sa pagitan nila ng kaibigan at dapat ay dadalo si Kath­ryn sa premiere night ng Write About Love pero ‘di nakarating.

Meanwhile, wala raw ideya si Miles tungkol sa bullying issue na nabanggit ni Alexa Ilacad kamakailan. Sinabi pa ni Alexa na sila ni Jairus Aquino ang naging biktima ng pambu-bully ng mga dati nilang kasamahan sa Goin’ Bulilit sa pangunguna ng ex-BF niyang si Nash Aguas at ni Sharlene San Pedro.

Hiling ng Write About Love lead actress ay magkaayos na ang mga dating kasamahan sa Goin’ Bulilit at matul­dukan na kung anuman ang naging problema ng mga ito.

Masaya at sobrang excited si Miles sa pinakaunang pagbibidahan niyang peli­kulang Write About Love na kasama sa 2019 Metro Manila Film Festival entries kung saan makakasama niya sina Yeng Constantino, Joem Bascon at Rocco Nacino.