Panganay, nagpakumbaba na sa mga utol, ayaw pa ring tanggapin kaya watak-watak

Dear Roma Ako si Ace, 43, at panganay sa magkakapatid. Nalulungkot ako dahil noong Undas ay hindi kami nakadalaw sa mga yumaong mahal namin sa buhay dahil magkakaaway kami ng mga kapatid ko. Nagpakumbaba na ako bilang panganay, ngunit nagmamatigas sila kahit ako ang naagrabiyado. Mukhang hindi na rin mangyayari ang tradisyon namin tuwing Pasko. Ano ang dapat kong gawin? – Ace

Ace, Kung nauna ka nang humingi ng tawad, wala kang dapat ipag-alala dahil nagawa mo na ang dapat mong gawin. Kung ayaw nila itong tanggapin ngayon, huwag kang mag-alala dahil lilipas din ang panahon at magkakaunawaan din kayo. ‘Yun nga lang, sana ay hindi pa huli ang lahat. Huwag kang mawalan ng pag-asa dahil magiging maayos din ang pamilya ninyo. Kaya mo ‘yan. God bless!