Ayaw maniwalang BF ng aktres si Arjo… Aldub fans, todo-asa pa ring babalik si Maine kay Alden

Erlinda Rapadas / Teka Nga

Hanggang ngayon, ayaw pa ring tanggapin ng maraming AlDub fans na hindi na magkakaroon ng katupa­ran ang pinapangarap nilang magkatu­luyan at maging real-life partners ang tamba­lang Alden Richards at Maine Mendoza kahit na ano’ng pagpoprotesta at pamba-bash pa ang gawin nila. The truth remains na walang naganap na relasyon sa pagitan ni Yaya Dub at ng Pambansang Bae na si Alden. Good friends at showbiz love team lang talaga ang kanilang naging relasyon.

Naging tapat si Alden at ayaw paasahin ang mga fans nila ni Menggay. Kung naging sweet man sila ni Maine, hindi ‘yun pagpa­panggap at lalong hindi niya ginamit si Maine para lang sa kanyang career.

Pero kahit na ano’ng paliwanag ang ga­­win ni Alden, ayaw tanggapin ng AlDub fans. Patuloy silang umaasa at naniniwala na may relasyon sina Alden at Maine at lihim nang nagpakasal. In fact, may anak na raw ang kani­lang mga idolo at itinatago lamang sa publiko.

Kahit na mismong si Maine na ang nag­sabi na never silang naging mag-boyfriend ni Alden, bulag at bingi ang AlDub fans. Kahit na idini-display na ni Maine ang BF niyang si Arjo Atay­de, ayaw pa ring tanggapin ng Al­Dub fans ang katotohanan. Baba­lik din daw si Yaya Dub kay Alden.