Kapag nai-stress… Liza, ibinulgar na sinusumpong pa rin si Ice ng problema sa pag-iisip

Julie Bonifacio / Winner!

Pormal na inihayag ni Film Development Council of the Philippines (FDCP) Chairperson Liza Diño ang mga nominado sa 37th Luna Awards ng award-giving body ng Film Academy of the Philippines (FAP) last Wednesday.

Pinangungunahan ni Comedy Queen Ai Ai delas Alas ang mga nominado para sa Best Actress category dahil sa award-winning performance niya sa School Service. Makakalaban ni Ai Ai for this category sina Angelica Panganiban (Exes Baggage), Agot Isidro (Changing Partners), Anne Curtis (Sid & Aya) at Glaiza de Castro (Liway) na bukod-tanging nakarating sa Nominees’ Night kasama ang kanyang foreigner na boyfriend.

Prior sa Nominees’ Night, nagkita at nag­kausap kami ni Chair Liza sa birthday party ng T-Rex Films producer at owner ng Limbaga77 resto na si Rex Tiri. Personal niya kaming inimbita para sa Nominees’ Night at humingi ng support para sa FAP sa gaganapin nilang awards night.

Ramdam na ramdam namin ang pagi­ging sincere ni Chair Liza sa pagtulong sa FAP para maidaos nang maayos ang kani­lang awards night. Nakakalungkot nga na­mang isipin na ‘yung mismong awards night ng iba’t ibang organisasyon pa sa industriya ay basta na lang idinaos without glitz and glamour. Hindi siyempre papayag si Chair Liza lalo pa’t patuloy pa ring ipinagdiriwang ng local industry ang ika-100 taon.

Gusto ni Chair Liza na maging espesyal ang edisyon ng Luna Awards this year na magaganap sa Maybank Performing Arts Theater sa Bonifacio Global City, Taguig City sa November 30 (Saturday).

Ipapalabas ang Red Carpet at Awards Ceremony via livestream on the FDCP Facebook page (with the username Film Development Council of the Philippines).

The Luna Awards Night is under the direction of singer-songwriter Ice Seguerra.

And speaking of Ice, kinumusta namin ang kondisyon ng singer-songwriter, who happens to be the partner of Chair Liza, na umaming may pinagdaanang depresyon.

Ani Chair Liza, “Depression is a condition. Hindi siya basta-basta na­wawala. You man­age that. It’s a kind of con­dition na pa­rang nand’yan, dumarating siya, nararam­da­man mo siya. So, parang kahit ano’ng sakit, ‘di ba?”

Dagdag pa niya, “You know, the brain is a part of our body. So, parang just like any organ, it also experiences illnesses. So, siya, ‘yung depression for me, nagka­ro­on ako ng mas malaking understanding about it especially si Ice, nakaka-experience noon.

“I have to be there for him. You just have to be present. Hindi mo sila pipi­litin na maging masaya. Ipakita mo na nandoon ka, na hindi sila nag-iisa. ‘Yun naman ang importante roon.”

May tine-take na medication si Ice and he’s undergoing therapy treatment.

“Yes, Ice is seeing a therapist regularly, to talk about what is going through. And, ac­tually, right now, kasi dumarating, parang minsan, especially kung sunud-sunod ‘yung stress? Yes, sumusumpung-sumpong siya.”

Okey naman daw si Ice. Pero ‘yun nga raw, parang minsan, dumarating na lang bigla ang moment na nalulungkot o nadi-depress ang singer-composer.

“It’s a phase that will happen. Tapos, biglang you gonna get out, eventually, you gonna get out of it. It’s how you get out of it. By surrounding yourself with people who can help you and allows you to, you know, move forward and say that even if I have this condition, even if I have depression, kaya kong mag-function.”

Segue na rin kami ng tanong kung ma­tutuloy ba ang plano ni Chair Liza na ipag­buntis ang “baby” nila ni Ice next month.

“Kasi, hindi ko talaga na-imagine na ganito kalaki ‘yung responsibilidad ng chairman ng FDCP. Siguro right now, nandoon talaga ako sa isinasapuso ko, isinasabuhay ko siya. Gusto kong makatulong habang nandito ako.”

Kapag sinuma-total daw niya ang ilang buwan na pagbubuntis mula De., possibly bandang September 2020 siya magsisilang.

“Eh, closing ‘yun ng 100 years. So, pa­rang sabi ko kay Ice, ‘Uh, bigyan mo pa ako ng time. Kasi gusto kong maging handa. Ayoko ng parang dahil kasi nag­plano na kaming December, gawin na namin. But it’s there. Ready na. Ako na lang ang hinihintay.”

Feeling ang suwerte-suwerte ni Chair Liza dahil alam niyang gustung-gusto ni Ice na magka-baby sila.

“Sobrang he’s really looking forward to it. But he was patient enough to wait and say, ‘I will let you decide when you’re ready,’” kuwento pa ni Chair Liza.