SSS investors, puwede nang mag-invest ng bond sa halagang P500 per unit

Bulgarific

Hello, Bulgarians! Kamakailan lamang ay sinuportahan ng Social Security System (SSS) ang Bureau of the Treasury (BTr) sa pamamagitan ng Premyo Bonds Program kung saan maaaring makakuha ang mga investors ng SSS ng pinakamababang bond na P500 per unit hanggang P10 milyon.

Kasabay din nito ang forum tungkol sa Enhanced Pension Loan Program (PLP).

Sa ilalim ng programang ito, maraming makukuhang benepisyo ang mga bondholder ng SSS tulad ng principal protection, fixed interest rate every quarter at may chance pang sumali sa quarterly cash reward draws na hanggang P1 milyon!

Sinabi ni SSS President and Chief Executive Officer Aurora C. Ignacio na ibahagi ng mga dumalo sa forum sa mga pensioners at pension fund members ang programang ito na nanghihikayat na itaas ang government fund at i-promote ang financial literacy.

Ang mga interesadong investor ay maaaring tumawag sa BTr para sa iba pang impormasyon tungkol sa Premyo Bonds Program at kung may katanungan naman tungkol sa Enhanced PLP ay maaaring tumawag sa pinakamalapit na SSS branch sa 14555 o bisitahin ang kanilang website sa www.sss.gov.ph o maaari ring mag-email sa member_relations@sss.gov.ph.

Kasama sa litrato sina PCEO Ignacio, speaker at representative ng BTr, Development Bank of the Philippines, LandBank, ChinaBank at mga SSS pensioners.

♥♥♥

For event invitations, please, email bulgarific@ gmail.com or PM us on our Facebook page.

Got to go! It’s so Bulgarific!

xoxo