PH Squash Team susubukin sa Manila Polo Club

Hindi man handa ang pasilidad ng squash sa bansa para sa pag-host ng 30th Southeat Asian Games, pero ayon kay squash president Robert Bachman, nagpapasalamat siya sa Philippine Sports Commission (PSC) sa pagbibigay ng alternatibong lugar na pagdarausan.

Aminado si Bachman na ang pagkakaantala ng ginagawang squash facility sa loob ng Rizal Memorial Sports Complex ang nagpapahirap sa kanilang tsansa para sa prestihiyosong biennial meet na magsisimula sa Nob. 30 sa Philippine Arena sa Bocaue, Bulacan.

Ang totoo, puwersado silang ikansela ang dalawang events, ang jumbo doubles at ang mixed doubles kung saan sila mayroong golden chance na magwagi.

Dahil diyan tanging 5 events ang lalaruin sa SEAG, ang men’s singles, women’s singles, men’s team, women’s team at mixed team event.

Ang target completion ng squash facility ay sa Marso 1, kaya napilitan ang Squash Rackets Federation of the Philippines na ilipat ang event sa Manila Polo Club sa Makati City.

Nilinaw ng PSC na ang pasilidad na ginagawa ay hindi agad naiprayoridad.