1 patay, 1 grabe sa pamamaril
- Pabs Hernandez III
- Nov 19, 2019
- 1 min read
NORTH COTABATO — Patay ang habal-habal driver habang nasa malubhang kalagayan naman ang pasahero nitong estudyante sa naganap na pamamaril ng mga hindi kilalang armadong lalaki kamakalawa sa Bgy. Tacupan, Carmen.
Kinilala ng pulisya ang nasawi na si Abil Sambatuwa, samantalang, ang sugatan ay si Horhani Sandigan, estudyante sa nasabing bayan.
Ayon sa ulat, habang minamaneho ni Sambatuwa ang kanyang motorsiklo ay biglang sumulpot ang mga suspek at agad itong pinagbabaril sa ulo at dahil dito, tinamaan ng ligaw na bala sa katawan si Sandigan.
Nang makaalis ang mga salarin ay dinala ng mga saksi ang dalawang biktima sa ospital, pero idineklarang dead-on-arrival si Sambatuwa.
Inaalam na ng pulisya ang motibo ng mga suspek sa pagpatay kay Sambatuwa.
Comments