Makati FC hari sa Singa Cup Boys U-14 tournament

Dinomina ng Makati Football Club ang Boy’s Under 14 division ng katatapos na Singa Cup na idinaos sa The Cage Sports Park sa Singapore. Tinapos ng Makati FC Under 14 squad ang torneo sa pamamagitan ng 1-0 panalo kontra Indonesia FOSSBI noong Huwebes para makamit ang division title. Kasunod ito ng third place finish ng kanilang Under 13 squad matapos ang 3-1 panalo kontra sa isa pang Filipino squad na Kaya FC.

“It is our intention to compete in this tournament and win inorder for our athletes to get the confidence for them to be prepared for tougher competitions. Good and constant expose of our athletes to competitive games all throughout the year is necessary to get them in tune with higher level of football,” pahayag ni Makati FC chief executive officer SeLu Lozano. Bukod sa titulo, nagwagi rin sila ng individual honors matapos tanghalin si Jian Vinz Caraig bilang MVP at si Aarom Yekti na umiskor ng championship-clinching strike bilang boys U14 tournament top goalscorer sa naitalang kabuuang 18 goals. Binubuo ang Makati FC ng mga manlalaro mula sa iba’t-ibang panig ng Luzon, Visayas at Mindanao. “Makati FC aims to identify talent from every province in the Philippines and give the opportunity to develop their game. Football and sports in general is such a powerful tool to alleviate poverty and give these kids access to countless opportunities through football,” ayon pa kay Lozano. Itinatag ni Tomas Lozano noong 1976, pangunahing layunin ng longest running football academy ng bansa na maitaas ang antas ng Philippine Youth Football.