Balang ng Bayan ni: Victor Corral Medina
Ang upuang bakal ay kinakalawang,
at nagrurupok na nang aking pagmasdan.
Sa ilan ay tuwa at sa mga hunghang,
lalong simpatiya, sa buktot at haling.
Hindi ba, at ibig n’yong umunlad ang bansa?
Bakit hindi limiin ang palsong ginawa
nang nag-astang hari’t, nagkunwaring kawawa?
Na mas nagpahirap sa aba at dukha.
Uuwi ka sa Hong Kong at huwag kang magsisi,
o ikang napadpad, sa tigang ng Saudi.
Huwag mong akalaing bayan ay mabuti
na ngayon sa hirap lalong nahirati.
Ang mga solido ng kurap at droga,
bakit hindi magising at sila pa ay may tiwala?
Sa nilugsong bayan, hindi pa maniwala
ayaw mag-sitikal sa hindi na tama.
Hindi nila madama ang lungkot ng hirap,
sa Silangang Perlas, taguri ng Pilipinas.
Kapag sila’y naubos, wala nang mangasab,
baka marinig na at ang mura ay mabigkas.
Magandang araw, mga bes! ‘Wag nang magpahuli sa trend at i-share na ang inyong #Hugot at i-confess mo na, bes ang matagal mo nang gustong aminin sa bagong column ng BULGAR na WHAT’S IN, KA-BULGAR? Ito na ang perfect timing para ma-publish ang laman ng inyong damdamin kaya mag-send na ng personal message sa aming official Facebook page – www.facebook.com/BULGAR.OFFICIAL. Hihintayin namin ang PM n’yo, mga bes, hindi ‘yung puro kayo na lang ang naghihintay sa wala. Char!
Comments