Marami na raw nabibiktima… Raffy Tulfo, takbuhan ng mga naloko sa show ni Willie
Paulit-ulit na lang ang pagpapaalala ni Willie Revillame sa mga gustong manood ng programa niyang Wowowin na huwag magpapaloko sa mga fixers na nanghihingi ng pera para lang makasali sa mga games ng nasabing programa.
Nakarating na kay Revillame ang mga ginagawang kalokohan ng mga nambibiktima sa mga taong nais sumali sa mga palaro sa Wowowin. Pati ang mga taong pumipila upang makapanood lang sa studio ay pinagkakakitaan din kaya ang ibang nabibiktima, lumalapit at nagrereklamo pa sa radio program ni Raffy Tulfo.
Hindi nagkulang sa pagpapaalala si Willie Revillame na walang bayad ang panonood sa Wowowin. Kailangang tumawag kay Martin Tamba at magpa-schedule kung kailan pupunta at ang mga taong napipiling sumali sa games ay sinasala nang husto ng staff ng show. Kailangan din na physically fit at bawal na ang seniors at mga bata below ten years old.
Comments