Dead na dead daw sa Blackpink member… Alden, ikinalat sa socmed ang holding hands nila ni Lisa

Ronalyn Seminiano / Showbiz Trends

Lantaran na ang pagiging fanboy ng Pambansang Bae na si Alden Richards sa K-pop idol ng Blackpink na si Lisa Mano­ban.

Nag-post siya ng screen­shot ng multi-player online game na Ragnarok M kung saan naka-holding hands ng character ni Alden na si Starlord habang tumatakbo ang character na version ni Lisa at nilagyan niya ito ng caption na: “Kahit man lang sa laro, maka-holding hands. Good morning! (smile with blush emoji).”

Masayang-masaya na si Alden kahit na sa mobile game lang niya naka-holding hands si Lisa.

As of this writing ay umabot na sa 1.9K retweets at 11K likes ang naturang screenshot post ni Alden.

We wonder kung ano ang magiging reaksiyon ni Lisa kapag nakarating sa kanya ang pagka-fanboy ni Alden!

Sana ay mabigyan sila ng chance na magkita sa Pasko since nabanggit din naman ni Alden na sa Korea niya balak mag-Pasko.