Union Bell, pinapaboran sa juvenile stakes race

Pinapaboran ng mga miron ang Union Bell sa 2019 Philracom 2nd Leg Juvenile Fillies and Colts’ Stakes Race sa Metro Turf Malvar, Batangas.

Tatawid sa distansiyang 1,400 meters ang mga kalahok at makakalaban ang Batang Evalom, Carmela’s Fury, Exponential, Four Strong Wind, Kiwirose, Our Secret, Prime Time Magic.

Naghihintay ang P600,000 sa tatanghaling kampeon, tatanggap ang 2nd place ng P225,000, may P125,000 ang 3rd place at tatanggap ng P50,000 ang 4th place. Sa mga kalahok, binibigyan ng laban ang Exponential at Kiwirose. Habang magbibigay ng suporta ang Batang Evalom, Four Strong Wind, Carmela’s Fury, Our Secret, Prime Time Magic.

Samantala, pinapaboran ang Summer Romance, Truly Ponti, Pangalusian Island at Scarborough Shoal sa pag-alagawa ng The Travel City Cup na may guaranteed prize na P700,000.

Banta ang mga kalahok na Certain to Win, Garantisado, Metamorphosis, Stella Malone, Und Kantar at Victorious Colt na tatawid sa distansiyang 1,600 meters. Tatanggap ng P420,000 ang magkakampeon, may P157,500 ang pangalawa, habang mapupunta sa 3rd place ang P87,500 at may P35,000 sa 4th place.

Nakalalamang ang 2nd leg champion na Boss Ompong at magbibigay ng magandang laban ang Toy for the Big Boy, Shanghai Grey, The Accountant at My Jopay na may guaranteed prize na P700,000. sa unang apat na makatatawid sa finish line.

Ipinapatok ang couple entry na Harapin Mo at To it’s Bing sa 5th Eduardo ‘Duay’Calixto Cup laban sa mga katunggaling couple entry na Mark of Excellence at Top Attraction, Miss Campbell, Union Run at Queenboro. May nakalaang gauranteed prize na P300,000 na unang apat na makatatawid sa finish line.