Fraud free Phls, adbokasiya ng I Love My Country PH Run

Photo: ilovemycountry.ph

Nakatakdang ilarga ang I Love My Country PH Run for Fraud-free Philippines upang mapatatag ang pagsulong ng adbokasiya na sawatain ang pandaraya sa mga tanggapan ng pamahalaan na gaganapin sa apat na lugar sa bansa, sa Nob. 9 sa Cebu Business Park; Nob. 16 sa Palo Leyte McArthur Park; Nob. 23 sa Davao Rizal Park at sa Nob. 30 sa Marikina Sports Center sa Manila.

Sa mga ibig lumahok sa fun run ay maaaring magparehistro sa Facebook Page ng ilovemycountryph at may online registration sa mga links o kaya ay magtungo sa sa onsite registration area sa Marikina Sports Center tuwing Biyernes o sa Rock Garden, Quezon Memorial Circle tuwing Sabado.

May pagpipiliang mga race category na 3K sa halagang P499 /5K ay P599 /10K ay P699 na bawat isa ay may kasama nang race bib, race shirt, loot bag, finishers medal. Ang unang 100 nakatapos lamang ang may medalya may finishers certificate ang lahat ng lalahok at may promo pang buy 1 take 1 para sa mga kabataan at estudyante at may 2+1 para naman sa lahat. Ang “I Love My Country PH Run 2019 for Fraud-free Philippines” inagapayan din ng Black Water, Aksiyon Sports, Radyo 5, Radyo LaVerdad, 91.5 WinRadio, Starting Line, Takbo.Ph, MMDA at Takbo Na! Team Matatag.