Nahulog mula sa langit, sign na mahina ang loob

Socrates Magnus

Salaminin natin ang panaginip ni Rhodel ng Rhodel_Villarin@face-book.com

Dear Professor,

Ano ang ibig sabihin ng panaginip ko? Na­hulog ako mula sa langit, tapos hinahabol ako at pag­ka­tumba ko, hindi ako ma­katayo at ma­katakbo, ga­yundin, nagpa­kita sa akin si Jesus.

Salamat!

Naghihintay,

Rhodel

Sa iyo Rhodel,

Ayon sa iyong panagi­nip, kulang ka sa pagkilos para sa mga ambisyon mo. Ngayon ang tamang pagka­kataon para harapin at laka­rin ang landas ng buhay kung saan sa dulo ay naro­roon ang iyong magandang buhay. Ito ang sinasabi ng panaginip mo na nahulog ka galing sa langit.

Mahina ang loob mo at parang nawawalan ka na ng pag-asa, kaya sa pagkahulog mo, hindi pumayag si Lord na makapunta ka sa langit nang hindi ka pa nagtata­gum­pay sa buhay.

Hindi puwede ang gusto mo na manirahan lang sa langit dahil ayon sa nasusu­lat, hindi lamang sa tinapay nabubuhay ang tao dahil kailangan din niya ang salita ng Diyos. Ibig sabihin, ang tinapay ay sumisimbolo sa mga materyal na bagay.

Muli mong balikan ang nasusulat at intindihin mo. Huwag mong dayain ang iyong sarili at huwag mong pakinggan ang sinasabi ng iba na ang tao ay hindi na­ngangailangan ng materyal na bagay.

Hanggang hindi ka ku­mikilos para sa iyong ambis­yon, mananatili ang mga panaginip na may huma­habol sa iyo. Ito ang men­sahe at mabuting balita sa iyo ni Lord na nakita mo rin sa iyong panaginip.

Hanggang sa muli, Professor Seigusmundo del Mundo