Wells ng SMB, dumiskarte; Hodge, hindi pa game!

Kinapitan ng San Miguel Beermen si reinforcement Dezmine Wells sa endgame upang kalusin ang Columbian Dyip, 113-107 sa PBA Governors’ Cup kagabi sa Araneta Coliseum.

Kumayod si Wells ng 39 points, nine rebounds at limang assists para sa Beermen na may 5-1 karta habang tumipa si five-time Most Valuable Player, (MVP) June Mar Fajardo.

Ipinaramdam ng Dyip ang kanilang tulin sa unang dalawang periods, kinapitan nila ang one-point lead, 52-51 sa halftime.

Patuloy na sinasabayan ng Columbian ang tikas ng Beermen sa third period kaya naman nasa ibabaw pa rin sila, 80-76 papasok ng fourth.

Hindi nasira ang diskarte ng San Miguel Beer sa payoff period, pinamunuan ni Wells ang opensa para makuha ang inaasam na panalo.

Samantala, hindi pa rin makalalaro si hardworking big man Cliff Hodge sa Meralco Bolts. Inamin ni head coach Norman Black na nagpapagaling pa si Hodge sa kanyang bone operation at hindi pa ito sumasama sa kanilang mga practice.

Galing sa surgery si Hodge bago nagsimula ang PBA Governors Cup at tinatayang hindi siya makalalaro ng walong linggo. “I’m hoping two weeks from now he would be back, but until he gets out on the court, (I don’t see him back with the team),” hayag ni Black.

Kahit magsimula nang mag-ensayo ang 31-year-old forward, kailangan pa rin niya ng oras para maging kondisyon ang kanyang katawan. “He’ll probably need about two weeks to get in shape and then we can go from there,” ani Black.

Kasalukuyang maganda ang puwesto ng Bolts kahit wala ang kanilang veteran power forward.

Nasa solo fourth ang Bolts kapit ang 4-2 record matapos ang 106-97 panalo kontra Blackwater noong Biyernes. Umaasa si Black ang mabilisang pagbabalik laro ni Hodge. “He should be back in practice, hopefully anytime now,” wika ng champion coach.