Sinabunutang pamangkin sa burol, rumesbak na… Gretchen, inagaw ang BF kong si Atong! — Nicole

Beth Gelena / Bulgary Files

Nagsalita na rin pala ang pa­mang­kin ni Gretchen Barretto na sinasabing sinabunutan ng aktres sa second night ng burol ng amang si Mike Barretto dahil umano muntik siyang sampalin.

Inilabas ng Fashion Pulis ang palitan ng mensahe sa Instagram ng isang netizen na may handle name na bashing.shing at ni Nicole Barretto, anak ni Jayjay Barretto na kapatid nina Gretchen, Marjorie at Clau­dine, tungkol sa nangyaring gulo sa burol.

Tinanong ni bashing.shing si Nicole kung totoo raw bang inatake nito ang kanyang Tita Gretchen.

Ang sagot ni Nicole, “I did not attack her. She and her boyfriend attack my aunt and I carried her to the other side so that she won’t hurt Tita Marj.”

Dagdag pa ni Nicole, “She kicked me countless of times and even after I got away and was about to exit the chapel, she sprinted to me and pulled my hair so hard I almost fell to the floor. If somebody did not catch me, my skull would’ve been broken.”

Sabi pa ni Nicole kay bashing.shing, maraming nakasaksi sa ginawa sa kanya ni Gretchen at unfair daw na kino-control ng aktres ang media at binabaligtad ang pangyayari.

Samantala, nadawit na rin sa gulo ng mga Barretto ang pangalan ng negosyanteng si Atong Ang na matagal nang nali-link kay Gretchen kahit pa alam ng lahat na si Tony Boy Cojuangco ang long-time partner ng aktres.

Sabi kasi ni Nicole sa message niya kay bashing.shing, “I just want to inform you that I wasn’t thrown to the States. I was there to move on from what Gretchen and Atong did to me. I’m stating the fact that my own aunt stole my boyfriend. The next travels to the States was for my education. Since I do have an education and finished a doctorate. Just so you know. Thank you po.”

Kung tama ang pagkakaintindi namin sa sinabi ni Nicole, siya ang unang GF ni Mr. Atong Ang at inagaw lang ito sa kanya ni Gretchen.

Hindi kami nagkamali, may sagot agad si Gretchen sa kanyang IG Story tungkol sa mga pahayag ni Nicole.

Sabi ni Gretchen, “This is between you and your demons. Keep me out of your pathetic state. Move on! Nagwawala ka sa isang lalaking ‘di ka niligawan.”

Ipinagtanggol din ni Gretchen si Atong Ang sa pagkakadawit nito.

Aniya, “Atong will make his statements. He can speak for himself. Atong is happily married too.

Pero ang mas malaki pang pasabog ni Gretchen laban kay Nicole, “I was told by Atong (nilako si Nicole sa akin ng nanay niya).”

At sinundan pa ito ng, “Oh, I’m sorry. I was told that Nicole stole Atong from her aunt, Claudine.”

Nakakawindang!!!