Kahit pamilyado at 50 na, alam daw yun ni Charlene… Aga, aminadong tumitingin pa rin sa magaganda

Mercy Lejarde / Showbiz Talkies

Sa grand mediacon ng Viva Films’ Nuuk starring Aga Muhlach and Alice Dixson ay nasabi ng dalawa during the Q&A portion na pareho na silang 50 years old now.

So, ang tanong tuloy ni yours truly sa kanila ay… “Ngayong matatapos na ang millennial generation at iba na ang tawag next year, 2020, do you believe that life begins a new romance on the side at the age of 50? On the side, ha? With a new romance on the side in your life, if ever, puwede bang mangyari ‘yun sa inyo?”

“Para sa akin…. sure. Siyempre, ahhh, lagi n’yo akong iniipit diyan, eh, haha! Sa akin, why not, coconut?” sabi ni Alice na ewan kung pabiro or pampa-good vibes lang or nagpapakatotoo lang.

“Hahaha! New romance on the side? Ahh, patay na tayo riyan, hahaha! Masaya na ako sa katayuan ko ngayon. Pero ‘yung on the side, hindi mahuhuli ang pagtingin ko sa iba. Lalaki ako. ‘Pag nakakita ako ng ma­gandang tao… nagagandahan talaga ako, hindi ko naman maiaalis ‘yun. Kahit sa asawa ko, alam niya ‘yun… kahit sa mga kaibigan ko. ‘Pag maganda, maganda. Pero hanggang du’n lang ako.

“In my 50, I’m in my happiest now, I’m in my most comfortable, I’m contented. There’s so much content in my life and it starts with my family, my wife, my kids and the entertainment industry which is also there and my passion is still there, tapos parang napagdaanan ko na lahat (with matching laughter on the side).

“Mayroon akong feeling na I can sit back and just watch and observe people all through it and help other actors. You know, kapag nakita mong may problema, nagkakaisyu sa buhay, minsan nilalapitan ko sila, tap on their shoulders na kailangan ng taong may pinagdaraanan na parang ‘Okay lang ‘yan, kaya mo ‘yan, dadaanan mo lang lahat ‘yan, don’t take it seriously, steady lang.’

“At age 50, katawan mo lang ang nag-iiba, pu*yeta! Lahat ng workout, gagawin mo, tapos pagkain mo, isang kain lang, parang 20 pounds na kinain mo. Anyway, never surrender, laban lang,” dagdag pa ni Aga.

‘Niwey, ang Nuuk ay kinunan pa sa Greenland under the direction of Veronica “Roni” Velasco at produced ng Viva Films.