Superstar na raw, inisnab pa… Kampo ni Nora, todo-palag sa pagkakalaglag sa MMFF 2019

Erlinda Rapadas / Teka Nga

Dismayado at nalulungkot ang libu-libong Nora­nians nang malamang hindi nakapasok ang peli­kulang Isa Pang Bahaghari sa final slot ng wa­long pelikulang entries sa MMFF 2019.

Maganda naman ang istorya nito at ma­lalaking artista ang kasama ni Nora Aunor tulad nina Phillip Salvador at Michael de Mesa. De-kalibreng direktor din si Joel Lamangan at ginastusan ng Heaven’s Best Productions ang kanilang entry.

Umaasa pa naman ang mga fans and supporters ng Superstar na may movie silang susupor­tahan sa darating na Metro Manila Film Festival 2019. Hindi tuloy maiwasang magtanong ng mga Noranians kung anu-ano ang batayan o criteria ng MMFF 2019 committee sa pagpili ng mga entries?

Kung star quality ang ha­nap, eh, hindi naman pade­deha­do sina Nora, Phillip at Michael na pawang maga­galing na artista at may mga followers pa rin naman sila.

Nakakapanghinayang lang na ang isang obra ng di­rektor na si Joel Lamangan ay hindi nakalusot sa MM­FF 2019. Last year, ang movie niyang Rainbow’s Sunset ay pina­­pu­rihan at humakot ng mara­ming awards at kumita sa ta­kil­ya. Produced din ito ng Hea­ven’s Best Productions.

Sana ay mabigyan ng ma­gan­dang playdate ang Isa Pang Bahaghari.