4-anyos, hindi napansin ng ama, nalunod sa swimming pool

Cagayan—Isang 4-taong gulang na batang babae ang namatay nang malunod kamakalawa sa swimming pool ng resort sa Bgy. Caggay, Tuguegarao City.

Nakilala ang biktima na si Kasandra Kate Caronan, residente ng Bgy. Ugac Norte sa naturang lungsod.

Batay sa imbestigasyon ng pulisya, habang nasa resort ay nalingat ang ama ni Kasandra kaya hindi nito napunang nalulunod na sa swimming pool ang biktima.

Nabatid na ilang saksi ang sumaklolo kay Kasandra at agad itong dinala sa ospital, pero idineklarang dead-on-arrival ang biktima.

Samantala, nakatakdang sampahan ng kaso ng pulisya ang management ng resort dahil sa kapabayaan.