Sawa ka na bang maging empleyado? Tips para maging negosyo ang hilig mong gawin

No Problem

Sa panahon ngayon, marami sa atin ang pi­nipili na lang na magne­gosyo kaysa maging em­pleyado. Ito ay dahil sa paniniwala na walang yumayaman sa pagiging empleyado.

Medyo true naman ‘yun, pero ano ba ang ma­gandang negosyo? Oks ba na gawing negosyo ang passion? Kung oo, pa­ano?

Mga besh, narito ang ilang tips para sa mga nag­babalak na pagkaki­taan ang kanilang pas­sion:

1. ‘Wag agad mag-resign. Yes, beshy. Bakit? Ito ay dahil dapat mo munang alamin kung ma­giging ma­ganda ang re­sulta ng pagnenegosyo mo. Paano? Kapag day-off mo o weekend, dito mo gawin ang iyong passion sa pa­mamagitan ng pag-side­line. Halimbawa, pagbe-bake ang gusto mong ga­win, puwede kang mag­benta online at gawin ito tuwing weekend o day-off mo. Kung sakaling hindi ito pumatok agad, at least, may kikitain ka pa rin mula sa iyong regular job.

2. Magsi­mula sa maliit. Kung wala ka pang experience sa pag­­nenegosyo, hindi mo ka­ila­ngang magsimula nang bongga, besh. Si­mulan ito sa maliit at hu­wag kang matakot magka­mali dahil ‘ika nga nila, rito tayo ma­tututo.

Gayun­din, dito mo ma­pag-aaralan ang bawat aspeto at detalye ng pag­ne­negosyo.

3. Malawak na pang-unawa. ‘Ika nga, ginagawa natin ang ating passion kahit maliit ang kita rito at minsan pa nga, kahit halos wala nang kita.

Sa pagnenegosyo ga­mit ang iyong passion, da­pat din nating maunawaan na hindi tayo kikita agad nang ma­laki. Kumbaga, dapat ta­yong mag-focus sa fulfill­ment na nakukuha natin dito dahil maliit o ma­laki man ang kinikita natin, ang mahalaga ay naga­gawa natin ito.

4. Pag-ara­lan ang produkto. Of course, hindi tayo dapat mag-focus sa pag­gawa lamang ng produkto na ibe­benta natin.

Dapat din nating pag-aralan kung paano ito ga­win, paano ibe­benta at ang iyong target market. Kung lahat ng ito ay mapag-aara­lan at ma­gagawa nang tama, mataas ang tsansa na ma­ging suc­cessful ang negosyo mo.

5. Siguraduhin ang kalidad. Sabi nga nila, sa paggawa ng pro­dukto, dapat ay quality over quantity. Kumbaga, hindi bale nang mabagal ang pro­seso ng paggawa, basta sigu­radong maganda ang kali­dad ng produkto. Dahil ka­pag maganda ang kalidad, mas maraming kos­tumer ang babalik-ba­lik sa‘yo.

Mga besh, maituturing itong risk dahil hindi ma­daling magnegosyo. Kaya kung isa kayo sa mga nag­babalak nang magnegosyo gamit ang inyong passion, make sure na hindi ninyo kalilimutan ang ilang tips na ito.

Copy?