This is it! Bianca, Proud na idinispley ang piktyur nila ni Sen. Win sa b-day ni Gov. Chiz

Ronalyn Seminiano / Showbiz Trends

Photo: @biancamanalo

Confirmation na ba itey ng relasyon ng beuty queen-actress na si Bianca Manalo at ni Senator Sherwin Gatchalian?

May photo kasi na in-upload sa Instagram noong Oct. 10 ang Ang Probinsyano actress na si Bianca na kasama niya ang rumored boyfriend na si Sen. Sherwin at may caption na: “This thing called love” at may ilang lyrics pa ng kantang We Go Together na “We go together.. remembered forever chang chang changitty chang sha-bop.. that’s the way it should be.. ohhhh yeah! #ChizRocks50"

Kitang-kita sa photo na tila super sweet nilang dalawa sa 50th birthday celebration ng mister ng magandang aktres na si Heart Evangelista na si Sorsogon Governor Francis Escudero na ginanap sa The Blue Leaf Cosmopolitan, Quezon City.

Bukod sa comments nina Yassi Pressman at Melissa Ricks, kapansin-pansin ang isang ko­men­to na nagsabing “Wow, bagay na bagay, yehey, sa wakas, sa aming congressman.”

At nag-reply naman si Bianca ng “Cong. Wes po, brother. Senator Win po.”

At ang tugon ng netizen, “Aw, Senator na pala Ma’am Bianca. Sorry, naging congressman kasi po, siya dati po, now senator na po. Anyway, bagay na bagay po kayo, sobra.”

At ang sagot naman ni Bianca, “Thank you.”

Hmmm, sila na kaya talaga? Abangan natin ang mga susunod na kabanata, charot!