Team Lakay Belingon kontra Fernandes sa ONE C’ships

Sa ikaapat na pagkakataon ay muling maghaharap para sa ONE Bantamweight World Championships sina Bibiano “The Flash” Fernandes ng Brazil at Filipino Kevin “The Silencer” Belingon at sa pagkakataong ito marahil ay huli na para sa dalawang MMA fighters.

Kung si Fernandes lang umano ang masusunod ay hindi na kinakailangan ng ika-apat pang pagtatapat ng dalawa, ngunit dahil sa naganap na disqualification ni Belingon sa ONE: The New Era laban kay Fernandes, maraming fans ang nabitin at nakulangan sa huling pagtatapat nila.

Ilalaan na lang umano ng dalawang fighters sa mga tagasunod at tagahanga nila ang gaganapin laban sa Linggo, Okt. 13 sa Ryogoku Kokugikan sa Tokyo, Japan.

“A lot of people want to see this fight. That’s the reason. The fight is [not] for me, it’s for the fans. I give this fight for the fans – for you guys,” wika ni Fernandes. “If the (third) fight didn’t end [in that way, I would not care about Kevin anymore. But I believe a lot of Filipinos are not happy. A lot of people want to see the fight,” dagdag ni Fernandes.

Para naman kay Belingon, itinuturing niya ang laban kay Fernandes ay ang pinaka-importanteng laban, dahil nais niyang makabawi para sa sarili at para sa kanyang koponan na Team Lakay. “This is the most important match of my career and as a member of Team Lakay,” pahayag ni Belingon. Kumpiyansa umano si Fernandes na muli niyang tatalunin si Belingon dahil kabisado na nito ang istilo at laro ng Filipino fighter.