Aktres, di naman daw niya kamag-anak kaya wa 'K… Giselle, tinawag na tita ni Heart, naimbiyerna

Nitz Miralles / Bida

Hindi lang pala si Cherie Gil ang aktres na ayaw magpatawag na “tita”. Ang mas bata sa kanyang si Giselle Sanchez, ayaw ding magpatawag na tita kahit younger siya kay Cherie.

Kuwento ni Giselle sa interview namin sa kanila nina Kim Molina at Candy Pangilinan to promote their show Titas of Manila, nagpapanting ang mga tainga niya ‘pag may tumatawag sa kanya ng tita.

“There was one time, nagkita kami ni Heart Evangelista at tina­wag niya akong tita. Sabi ng self- balloon ko, ‘As much as I would like to be related to you dahil maganda ka, pero we’re not related.’ I told her not to call me tita at ate na lang. Sabi niya, ‘Ok, ate,’ naintindihan niya.”

Kaya, bagay kay Giselle ang karakter niyang Tita in Denial sa show nila.

Si Kim ang Tita in Training dahil 28 years old pa lang at si Candy si Tita na Maraming Hugot dahil ang dami niyang hugot at isyu na ilalabas sa show.

Gagawin sa Music Museum ang Titas of Manila sa direksiyon ni Andrew de Real. Special guest si Jon Santos at ang mga friends ni Candy na sina Carmina Villaroel, Gelli de Belen at Aiko Melendez. Ang Viva Live, Inc. ang producer ng show.

Samantala, si Giselle ang nakaisip ng title na Box-Office Comedienne kay Kim sa laki ng kinita ng Jowable. Next year pa raw ang plano ng Viva Films na follow-up movie sa Jowable.