Not once but many times nang bumigay sa BF, todo-alala kung magkakatuluyan

Maestro Honorio Ong

Dear Maestro,

Itatanong ko lang kung kami na ang magkaka­tu­luyan ng boyfriend ko?

Kamakailan lang, ibi­nigay ko na sa kanya ang aking pagkababae at mula nu’n, nag-aalala ako na baka bigla niya akong iwa­nan dahil nakuha na niya ang gusto niya.

Ngayon, napapa­dalas na ang pagtatalik na­min kaya gusto ko na sa­nang magkatuluyan kami. Au­gust 15, 1993 ang birth­day ko at April 3, 1990 na­man ang boyfriend ko.

Umaasa,

Kristine ng Guadalupe Nuevo, Makati City

Dear Kristine,

Kung inaalala mo na baka hindi kayo magkatuluyan ng boyfriend mo, huwag kang mag-alala dahil ayon sa zo­diac sign mong Leo na pinag­haharian ng elementong fire o apoy, compatible kayo ng boyfriend mo na may zodiac sign na Aries.

Sapagkat ang Aries ay tulad ng Leo na pinaghaha­rain ng elementong fire o apoy at dahil pareho kayo ng elemento, sadyang tugma at compatible kayo sa isa’t isa.

Sa pag-aanalisang pang-Numerology ay ganundin, compatible ang birth date mong 15 o 6 (ang 15 ay 1+5 =6) sa birth date na 3 ng boyfriend mo sapagkat ka­pwa kayo naiimpluwensi­yahan ng planetang Venus at Jupiter at ang mga numerong 6 at 3 ay kapwa kabilang sa grupo ng mga numero na kung tawagin ay divisible by 3 o numerong series of 3-6-9.

Ibig sabihin, kayo na nga ang magkakatuluyan at na­katakdang magsama sa pag­buo ng maligaya at pang­ha­bambuhay na pamilya na na­katakdang mangyari sa taong 2021 sa edad mong 28 at 31 naman ang boyfriend mo.