Gowns na worth P20K at P50K, for sale… Juday, kumantang nabiktima ng mga pekeng buyers

Vinia Vivar / Frankly Speak

Nagbigay ng update si Judy Ann San­tos sa isinusu­basta ni­yang dala­wang gowns na isi­nuot niya sa Star Magic Ball 2018 and 2019.

“Natapos na ‘yung bidding sa Face­book but gaga­wa kami ng isa pa uling auction na Facebook Live para mas marami pang maka-participate. We’re just fixing the mechanics on how people could register and join,” pag-i-inform niya nang m­akatsikahan namin sa presscon ng Starla.

Binanggit din ni­yang maraming nakikigulo sa bidding na nagbi-bid kunwari pero hindi naman pala totoong bibili.

Sinagot din niya ang sinasabi ng iba na masyado raw mataas ang starting bid ng mga gowns. Ayon sa aktres, ang lahat naman ng pagbebentahan ay mapu­punta sa Bantay Bata 163.

“Siyempre, gusto mo naman na malaki agad ang maibibigay mo sa kanila, ‘di ba? Because the gown naman is hindi naman siya mura to begin with. Kumbaga, ‘pag may nakabili nu’ng Oscar dela Renta at P60 (thou), P70 (thou), P80 (thou), my God, napaka-good steal na ‘yun dahil ang mahal ng gown na ‘yun,” sey pa ni Juday.

Ang Oscar dela Renta gown ay isinuot ni Juday noong 2018 ABS-CBN Ball at ang starting bid nito ay P50,000.00. Ang isa pang gown ay gawa naman ni Yong Davalos na may starting bid na P20,000.00.