Mabilis bumigay sa lalaki, palagi namang iniiwan

Dear Roma, Ako si Mary Joy, 23, hanggang ngayon ay nag-aaral pa rin ako habang ang mga kaibigan ko ay naka-graduate na. Siguro, ito ay dahil hindi ako nag-focus sa pag-aaral noon at inuna ang love life. Inaasar ako ng mga kaibigan ko na buwan-buwan daw, eh, broken-hearted ako dahil palagi akong umiiyak sa kanila dahil sa lalaki. Mabilis akong ma-fall at mukhang ito rin ang dahilan kaya palagi akong iniiwan. Ano ang dapat kong gawin? – Mary Joy

Mary Joy, Kung palagi kang nasasaktan noon, baka sign ‘yun na huwag mo munang intindihin ang love life mo dahil sabi mo nga, napag-iwanan ka na ng mga kababata mo. Ngayon, bigyang-pansin mo ang iyong pag-aaral at isantabi ang paghahanap ng tamang lalaki para sa iyo. Gayundin, ang lalaking nakatadhana sa iyo ay darating kapag handa ka na, kaya muli, mag-focus ka sa iyong pag-aaral at pagbuo ng iyong sarili. Kaya mo ‘yan. God bless!