6 tatakbo sa 4 Year Old & About Local Stakes Race

Maghaharap sa susunod na linggo ang mga mananakbo sa 2019 Philracom 4 Year Old and Above Local Stakes Race sa Metro Turf Club Inc.(MMTCI) sa Malvar, Batangas.

Sa Okt. 13, maglalaban ang mga kalahok na Hiway One, Metamorphosis, Pangalusian Island, Scarborough Shoal, Summer Romance at Victorious Colt. Tatlong mananakbo ang pinapaboran sa laban ang Pangalusian Island, Scarborough Shoal at Victorious Colt. May P300,000 ang magkakampeon, may P112,500 ang 2nd place, may P62,500 ang 3rd place at may P25,000 ang 4th place.

Hahataw sa Okt. 6 ang 2019 Philracom 1st Leg Juvenile Fillies and Colts Stakes Race sa Saddle and Clubs Leisure Park Naic, Cavite. Magkakaharap ang mga Batang Evalom, Blazing Bullet, Excellence Bulwagan, Exponential, Kawhi, Lucky Saving, Make Some Noise, Noon Bell, Our Secret, Prime Time Magic at Union Bell. May papremyong P1,040,000 na hahatiin sa apat na unang makararating sa finish line.

May P600,000 na premyo ang magkakampeon habang may P225,000 ang 2nd place, mapupunta ang P125,000 sa 3rd place at may P50,000 ang 4th place.

Pinapaboran ang Batang Evalom, Bulwagan, Kawhi at Our Secret sa nasabing laban. Sa kaugnay na report, gagawin ang 3 year old and above maiden race, condition race at group races sa distansiyang 1,400 meters at 2 year old maiden division and 2 year old group race sa distansiyang 1,300 meters sa San Lazaro Leisure Park, Carmona, Cavite.