Bagyo ang balik ni Soltones sa Power Hitters vs. SLR

Maigting na laro ang ipinamalas ni Gretchel Soltones nang palakasin ang signal ng PLDT Home Fibr tungo sa 25-19, 25-19, 25-13 victory kontra Sta. Lucia sa Philippine Superliga Invitational Conference kahapon sa Ynares Sports Arena sa Pasig City.

Uminit ang mga kamay ni Soltones, dating San Sebastian College star sa lahat ng angulo upang akayin ang Power Hitters para sa una nilang panalo sa prestihiyosong women’s club tourney.

Bumanat siya ng 8 attacks, 3 aces, block and at 8 excellent receptions para sa 12 points sa una niyang salang sa aksiyon ngayong conference. “Gretchel is really a huge factor to the team. Her absence last game created a huge void as we missed her leadership and skills both offensively and defensively,” ayon kay PLDT head coach Roger Gorayeb na aniya napilitang paupuin sa nakaraang game si Soltones laban sa Cignal dahil may sakit ito.

Hindi gaya ng dating laro, kung saan sina Jasmine Nabor at Gel Cayuna ang top scorers na may pinagsamang 14 puntos, bumalikwas ang Power Hitters sa bisa ng tikas nina Jerrili Malabanan at Jorelle Singh sa 12 at 11 puntos na pinakawalan.

“I just told them to be consistent all the time regardless of what situation especially now that we won’t have Aiko Urdas for the whole conference,” dagdag ni Gorayeb dahil nagpapagaling pa si Urdas ng knee injury.

Sina Pam Lastimosa at Amy Ahomiro ay nakagawa ng 8 at 7 marka para sa Lady Realtors at hindi nakalaro si Filipino-American spiker MJ Philips. Laro Bukas: (FilOil Flying V Centre) 2 p.m. – PLDT vs Foton; 4 p.m. – F2 Logistics vs Marinerang Pilipina; 6 p.m. – Generika-Ayala vs Petron.