BF, ginastusan nang husto, naghiwalay din… Myrtle, todo-hinayang nang mauntog sa pagiging sugar momm

Nitz Miralles / Bida

Kung sa male cast, si Je­rome Ponce ang pasabog ang role sa Regal Entertainment mo­vie na Ang Hene­rasyong Sumuko sa Love, sa female cast, si Myrtle Sar­rosa ang may mga pasabog sa ek­sena. Bukod sa kissing scene, may two bed scenes pa sila ni Albie Casiño.

So, how was the experience?

“Okay naman at pare­ho kami ng gusto ni Albie na ma­paganda ang pelikula at ma­gawa namin ang gustong eksena ni Direk Jason (Paul Laxamana). Dalawang takes ang kissing scenes na one take each lang. First love scene ko ito at kaya ko ginawa para ipakitang ready na ako for more mature roles, na hindi ko nili-limit ang sarili ko sa pa-sweet role. The movie is about adulting, and I’m 24 years old, kaila­ngang suma­bay ang age ko sa tema ng movie.”

Pumirma ng five-picture contract sa Regal Films si Myrtle, kaya may susunod pa siyang pelikula and she’s looking forward sa roles na gagampanan in her next movie.

Samantala, walang na­gawa si Myrtle kundi mag-agree na naging sugar mom­­­­my siya sa relasyon sa isang gamer. Para ma-please ang ex-BF, ibinigay daw niya ang mga gusto nito at ang pi­naka-max, ibinili niya ng worth P25,000 item sa Rag­narok. Nang mag-break sila, saka siya nanghina­yang sa mga nagastos niya sa guy at sana raw, sa sarili na lang niya ginastos.

Anyway, sa October 2 na ang showing ng Ang Hene­rasyong Sumuko sa Love na trailer pa lang, na­gus­tuhan na ng mga tao dahil sa unang labas nito, uma­bot ng 9M views at 90,000 shares sa Facebook. Ang daming millennial ang makaka-relate sa pelikula at magu­gustuhan nila ang bagong project ni Direk Jason.