Balik-tambalan sa movie… Piolo, inuna si Claudine kesa kay Juday

Melba Llanera / Insider

Sa meet and greet ni Piolo Pascual bilang Mega Sardines ambassador sa Robinsons Galleria nu’ng nakaraang Biyernes, nagpahayag ng excitement ang aktor dahil tuluy-tuloy na ang balik-tambalan nila ni Claudine Barretto.

Sa ilalim ng direksiyon ni Direk Cathy Garcia-Molina, ito ang magsisil­bing reunion movie ng dalawa labing limang taon na ang nakararaan pagka­tapos nilang gawin ang pelikulang Milan.

Ayon nga kay Piolo, nag-grow na sila ni Clau­dine bi­lang mga artista at bi­lang mga tao at sa kata­yuan nila sa buhay ngayon ay mas ma­lalim na mga karakter na ang kaya ni­lang gampanan.

Bukod kay Claudine, ma­rami rin sa mga taga­hanga ng Juday-Piolo love team ang nagtatanong kung kailan daw kaya magkakaroon ng reunion movie ang aktor at si Judy Ann Santos.

Pahayag ng Kapa­milya actor, alam naman ng lahat na bukas siya na gu­mawa uli sila ng peli­kula ni Juday at sana ay ‘di pa sila mga lolo at lola bago mangyari ito.

Proud at masaya na­man si Piolo sa magandang feedback ng mga mano­nood sa pelikula ni­lang I’m Ellenya L. na pinagbidahan ng anak niyang si Iñigo at ng ka-love team nitong si Maris Racal.

Ikinataba ng puso ng aktor ang magagandang feedback at reviews sa pelikula na pinalad na mapasali sa 2019 Pista ng Pelikulang Pilipino.